मुम्बई । एसएस राजमौलीको बहुप्रतीक्षित चलचित्र ‘आरआरआर’ रिलिजका लागि तयार भइसकेको छ ।
चलचित्र बिग बजेट, कलाकार टिमलगायत कारण चलचित्र विशेष छ । ठुलो लगानीमा बनेको आरआरआरको लागत राजमौलीको अघिल्लो ब्लकबस्टर चलचित्र ‘बाहुबली’भन्दा करिब १०० करोड बढी दाबी गरिएको छ ।
“हामीले आरआरआरका निर्माण टिमबाट आवेदन पाएका थियौँ । उक्त जानकारीअनुसार निर्माताले चलचित्रका लागि ३३६ (भारु) लगानी गरेका छन् । छिट्टै, फाइल मुख्यमन्त्रीसम्म पुग्नेछ र त्यसपछि हामी चलचित्र टिकटको मूल्य बढाउनतर्फ सोच्छौँ,” आन्ध्र प्रदेशका मन्त्री पेरनी नानीले भने ।
यो जन जीएसटी र कलाकार अनि क्रिको पारिश्रमिकबाहेक लागत हो ।
चलचित्रमा भारतीय सिनेमाका महँगा सुपरस्टार रामचरण, जुनियर एनटिआर, आलिया भट्ट र अजय देवगन फिचर्ड छन् ।
चलचित्रको लगानी चार सय करोडभन्दा बढी हुने अनुमान गरिएको छ । सरकारले लगानीलाई मध्येनजर गर्दै हललाई प्रत्येक टिकट मूल्यमा थप ७५ रूपैयाँ बढाउन निर्देशन दिएको छ ।
चलचित्र तेलुगू स्वतन्त्रता सेनानी अल्लुरी सीताराम राजु र कोमाराम भीमबाट प्रेरित काल्पनिक कथा हो । चलचित्र तेलुगूलगायत हिन्दी, कन्नाडालगायत भाषामा यही मार्च २५ मा रिलिज हुँदैछ ।
